„Васил Хаџиманов бенд“ вечерва настапува на плоштадот во Ресен

Од вечерва до 21 јули Ресен ќе биде домаќин на голем музички настан. Четири вечери по ред на градскиот плоштад љубителите на џез, поп и рок-музиката ќе имаат можност да проследат настапи на четири различни бенда и изведувачи. Музичкото доживување вечерва го отвора „Васил Хаџиманов бенд“ од Белград, утре настапува домашната група „Персиди“, на 20 јули „Ние запирка другарите“ и за крај на четиридневниот музички спектакл на 21 јули, настапуваат „Блубери“ и Оли Китан.

Од локалната самоуправа истакнуваат дека ова е уште една можност љубителите на овие музички жанрови да уживаат во летните денови во настапот на значајни музички имиња. Џез, поп и рок-вечерите во Ресен се во организација на домот на културата „Драги Тозија“, со поддршка на општината Ресен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.