Турскиот претседател Реџеп Таип Ердоган изјави пред германскиот неделник „Цајт“ дека Германија ќе изврши самоубиство доколку не му дозволи да говори пред Турците на нејзина територија за време на неговата посета на земјата на самитот на Г-20, кој почнува в петок.
– Германија извршува самоубиство. Германија треба да ја поправи таа грешка, рече Ердоган.
Тој истакна дека се додека Германија не ги екстрадира во Турција поддржувачите на исламскиот проповедник Фетулах Ѓулен, Анкара ќе ја смета Германија за земја, која ги заштитува терористите.
Турските власти го обвинуваат Ѓулен за организирање на обидот за воен удар во Турција во јули минатата година. Ѓулен ги отфрла овие обвинувања.
Истовремено Ердоган изјави дека Германија и Турција имаат потреба една од друга и оти на лично ниво тој нема проблем со канцеларот Ангела Меркел.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
