ВМРО ДПМНЕ најостро го осудува фрапантниот јавен говор на омраза на функционерот на СДС Мирослав Грчев. Тој во пишана колумна испраќа фашизоидни пораки на поделба, сегрегација и јавен повик за уништување, истакна на денешната прес-конференција Орце Ѓеорѓиевски од ВМРО-ДПМНЕ.
Според него функционерот на СДС најсрамно навредил 455 илјади граѓани кои гласале за коалицијата на ВМРО ДПМЕ на претходните избори.
Мирослав Грчев на сите им порача, цитирам: „вмровскииот ген мора да се искорне од телото на македонската држава“. Морало да има дезинсекцијата, дезинфекцијата и деконтаминацијата од смртоносниот ген на ВМРО-ДПМНЕ”, порачува Грчев – вели Ѓеорѓиевски.
Понатаму додава:
И најважно, ова е конкретен пример за хистеријата која ја креира СДС и Зоран Заев, а кој веќе доведе до монструозен обид за убиство на Никола Тодоров, бомба во куќата на Милошоски, и редица други инциденти кои се плод на црната кампања на СДС. Ова е хајка и поттикнување одмазднички акции. Очигледно вака ја замислува демократијата СДС. Ова е срам за државата, срам за демократијата. Ова ли е животот кој го ветуваше Зоран Заев?!
Фашистички закани од Грчев: вмровскиот ген мора да се искорне од тлото на македонската држава
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
