Здравко Мамиќ по нападот: Среќа што имам пријатели да ме извлечат од морето (видео)

Здравко Мамиќ вчера беше физички нападнат во Бол на Брач, додека во друштво на семејството и пријателите се шетал на централното пристаниште.

Момче, на 22 години, се залета кон Мамиќ и со бокс го удри по главата, по што од силината на ударот паднал во море.

– Бев во Бол да го славам роденденот на мојот роднина Стојко Мамиќ. Се беше нормално, и во еден момент долета некое момче од зад грб и со бокс ме удри по глава, по што паднав во морето. После многу и не се сеќавам, но на среќа пријателите веднаш ме извлекле од морето. Бев ошамутен, изгубив свест, и сега не се сеќавам на се, но верувам дека ќе бидам добро – вели Мамиќ за „Спортске новости“ и дополнува:

– Но, не побарав лекарска помош. Не се чувствував добро, но мислам дека немаше потреба за лекарска помош – вели Мамиќ.

Лицето кое го нападна сопственикот на Динамо Загреб е фатено од полицијата, иако се уште не се соопштува неговиот идентитет.

– Не можеме да го потврдиме идентитетот на лицето, но факт е дека полицијата постапи согласно своите овластувања – велат од хрватската полиција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.