Градската библиотека „Браќа Миладиновци“организира промоција на книгата Песна на ридот од Гордана Михаилова – Бошнакоска, добитник на наградата „Ацо Шопов“ на Друштвото на писателите на Македонија, за најдобра поетска книга за 2016 година.
Промоцијата ќе се одржи на 7 јуни (среда) 2017 година, со почеток во 12.00 часот, во спомен -собата на Миладиновци во Библиотеката. За делото на Михаилова-Бошнакоска ќе зборуваат Раде Сијлан и Иван Чаповски а стихови од наградената книга ќе интерпретира актерот Томе Витанов.
Гордана Михаилова-Бошнакоска– пишува поезија, проза,литературни критики и есеи за литература и уметност. Нејзината поезија и проза застапена е во сите антологии во земјата и странство. Преведувани се нејзините песни и прозни дела на англиски, француски,српски, словенечки, чешки, словачки,шпански, италијански, грчки, турски, бугарски и др. Автор е на дванаесет поетски книги, две прозни книги и четири избори од нејзината поезија.Добитник на неколку книжевни награди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
