Морничава смс од бившиот сопруг: „Ја убив мајка ми, доаѓам по тебе“

Телото на 60-годишната Злата С. облеано со крв го пронашла полицијата вчера во нејзиниот стан во Белград. Осомничен за убиството на несреќната жена е нејзиниот син, триесетгодишниот Милан С., кој најверојатно во вторникот со нож ја распарал мајка си од стомакот до вратот, а потоа му се губи трагот.

Во вторникот вечерта разјарениот Милан ѝ испратил смс на својата поранешна сопруга „Ја убив мајка ми, а сега и тебе“. Бидејќи се посомневала дека е можно Милан да ги остварил заканите, поранешната сопруга безуспешно се обидувала да стапи во контакт и со Злата и со Милан, па потоа го пријавила случајот.

Најверојатно синот ја искасапил мајка си додека се расправале, како што потврдуваат и соседите кои слушнале викање. Не се посомневале, бидејќи секоја посета на Милан на мајка си завршувала со кавги.

-Милан бил секогаш проблематичен, и порано ја малтретираше Злата, велат соседите кои имаат само добри зборови за кутрата жена.

-Повеќе време минуваше на тераса отколку дома, често ја бркаше и зиме, кутрата. Еднаш ѝ ја скрши главата, па кратко беше во затвор, велат тие.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.