Билансот на загинати се зголеми на 22, Аријана Гранде изјави: Скршена сум

Шефот на манчестерската полиција Јан Хопкинс изјави денеска дека во експлозијата, која се случи синоќа, на крајот на концертот на Аријана Гранде во Манчестер арена, загинаа 22 лица, а 59 се повредени. Меѓу загинатите има и деца.

I never ment to record this but this is me leaving ariana grande #DangerousWomantour #ManchesterArena hope everyone is safe and got out pic.twitter.com/TLu73UBl0x

— Rhianna burke (@RhiannaBurke) May 22, 2017

Според Хопкинс, полицијата е уверена дека напаѓачот кој ја активирал бомбата, загинал во експлозијата и оти тој сам го извел нападот, јавува „Гардијан“.

Пејачката доцна синоќа се обрати во јавнсота преку својот профил на „Твитер“.

– Скршена. Од дното на моето срце, многу ми е жал. Немам зборови – напиша 23-годишната Гранде, која ги откажа останатите концерти од европската турнеја.

broken.
from the bottom of my heart, i am so so sorry. i don’t have words.

— Ariana Grande (@ArianaGrande) May 23, 2017

Полицијата верува дека напаѓачот носел импровизирана експлозивна направа и оти истрагата ќе утврди дека тој бил дел од некоја терористичка мрежа.

Ирачкиот Интернет портал „Ахбар Ирак“, Исламска држава ја презеде одговорноста за нападот.

Приврзаници на џихадистичката групација Исламска држава утринава на социјалните мрежи го поздравуваат синоќешниот смртоносен бомбашки напад во британскиот град Манчестер, пренесува БТА.

SCREENSHOTS Growing celebrations of situation in #Manchester on key Islamic State-linked Telegram channels. Strong indicator of IS linkage pic.twitter.com/RSJBt0gJcR

— Michael S. Smith II (@MichaelSSmithII) May 23, 2017

– Изгледа бомбите на британската Авијација врз децата на Мосул и Рака тукушто се вратија и паднаа во Манчестер, напиша јавно извесен твитерџија со име Абдул Хак.

Улиците околу Арената каде се одржа концертот и натаму се затворени, а присутен е и голем број припадници на полицијата и антитерористичките единици, кои и натаму го пребаруваат теренот.

Британската премиерка Тереза Меј соопшти дека свикува за во 9 часот по локално време во Лондон вонредна седница на владината комисија „Кобра“ поради синоќешната експлозија во Манчестер.

Иницидентот таа го нарече „ужасен терористички чин” и истакна дека нејзините мисли се со повредените и со семејствата на сите жртви.

Британскиот премиер Тереза Меј и лидерот на опозициската Лабуристичка партија Џереми Корбин постигнаа спогодба да ја прекинат изборната кампања по терористичкиот напад во Манчестер.

Корбин посочи дека разговарал со Меј по експлозијата на концертот на американската пејачка Аријана Гранде и двајцата се согласиле дека кампањата за предвремени парламентарни избори на 8 јуни треба да биде прекината се додека не се постигне договор за продолжување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.