Мајка и син загинаа од неплатени сметки за струја

М.М. (46) и нејзиниот 16-годишен син Д.М. загинаа од струен удар кога на нивната куќа во алексиначкото село Глоговица падна жица под напон.

Трагедијата се случи во средата, а мајката настрадала во обид да му помогне на синот.

Ранко Филиповиќ од соседното село Лужане вели дека добро го познавал семејството што го снајде несекојдневна трагедија.

Пред еден месец им е исклучена струјата зашто немале пари да ги плаќаат сметките. Поради големиот студ се приклучиле на некоја жица, која се откачила од ветрот. Така мајката и синот настрадале од струен удар.
По повод трагичниот настан пред зградата на Електропривреда на Србија во Алексинац се собраа мештаните, соседите и роднините на настраданата мајка и син, сакајќи на овој начин да им оддадат почит на настраданите.

Меѓу собраните е и Снежана Петровиќ која и самата тешко живее, а поради незавидната материјална ситуација нејзиниот долг за струја е милионски.

-Должам за струја милион и 600 динари. Во куќата растам две внучиња, живееме во мрак, не можам да ги бањам децата, да им зготвам топло јадење, немаме греење. Пред 20 години маж ми се повреди, беше долго во болница, поради што паднавме во долгови. Барав помош од сите, никој ништо не ни даде. Морав да го лекувам и оттаму овој долг, вели жената.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.