Вкупно пет долгометражни играни филма на македонски автори се очекува да имаат премиера годинава, најави Мими Ѓоргоска Илиевска, директорката на Агенцијата за филм на Република Македонија.
– Годинава се очекуваат премиерите на следнивте филмови: „Година на мајмунот“ во режија на Владимир Блажевски, „Чекај ме/Сведок“ на Митко Панов и дебитантските остварувања на марија Џиџева „Жртва“, Тајната состојка“ на режисерот Ѓорче Ставревски и „Незаборавна пролет во заборавено село“ на Куштрим Бектеши – рече Ѓоргоска Илиевска.
Директорката на Агенција за филм најави дека годинава ќе се снимаат шест долгометражни играни филмови на македонски автори. Станува збор за филмовите: „Здивот на ангелот“ на Јани Бојаџи, „Исчезнатиот“ на Арбен Тачи, „Дедо и внук“ на Илија Пиперковски, „Ако утре го снема сонцето“ на Александар Русјаков, „Господ постои и се вика Петрунија“ на Теона Стругар Митевска и „Цар Самоил“ на Антонио Митриќески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
