„Подарете книга за велигденско јајце“ – повторно ќе се организира во општина Илинден

На 13 април (четврток) 2017 година, во периодот од 10.00 до 14.00 часот Општина Илинден ја организира 11. по ред традиционална манифестација ,,Подарете книга за велигденско јајце – симбол на Христовото воскресение“. Оваa оригинална и единствена од ваков вид манифестација што истовремено ги обединува образованието, културата, уметноста, традицијата и религијата ќе се одржи во Домот на култура „Илинден“, во населба Илинден.

Секој посетител на манифестацијата што ќе подари книга за возврат ќе добие црвено велигденско јајце. Во чест на две илјади и седумнаесеттото лето Господово, симболично ќе бидат украсени 2017 велигденски јајца.

Во изминатите десет години во манифестацијата „Подарете книга за велигденско јајце – симбол на Христовото воскресение“ што се одржува секоја година на Величетврток, во пресрет на најголемиот христијански празник Велигден, вкупно се собрани 30.000 книги наменети за Општинската библиотека Илинден и библиотеките во основните училишта.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.