Како што пишува „Бизнис инсајдер“, Рокфелер, кој беше последниот жив внук на легендарниот нафтен магнат Џон Д. Рокфелер, во текот на животот имал тенденција да донира енормни суми пари во добротворни цели. Забележано е дека неговите донации во текот на животот надминале неколку милијарди долари.
Што се однесува до распределбата на неговите пари, „Бизнис инсајдер“ наведува дека Универзитетот „Харвард“ ќе добие најмалку 100 милиони долари, додека остатокот ќе биде поделен во помали донации и распореден во семејните фондови, најверојатно за секое од неговите шест деца.
Наследството на Рокфелерови почнало со еден млад библиотекар во Кливленд, кому во таа далечна 1855 година целта му била да заработи 100.000 долари и да живее 100 години, пишува „Форбс“. Неговиот „тренинг“ за големите достигнувања вклучувал десетдневен курс по сметководство. Тој човек бил Џон Д. Рокфелер, дедото на починатиот Дејвид Рокфелер.
Џон Рокфелер станал првиот светски милијардер во 1916 година, кога поседувањето толкава количина на пари било незамисливо. Кога починал во 1937 година, неговото богатство изнесувало дури 1,5 отсто од вкупната американска економија! Кога неговото богатство би се превело во денешните норми, би изнесувало околу 340 милијарди долари, што е четирипати повеќе отколку што денес поседува најбогатиот човек на светот, Бил Гејтс.
Династијата Рокфелер е исто толку мистериозна колку што е влијателна, а повеќето членови на семејството се држат подалеку од рефлекторите на јавноста, пишува „Форбс“. Најголемото политичко име од семејството бил Нелсон Рокфелер, кој служел како потпретседател на Америка во мандатот на Џералд Форд. Вториот брат на Дејвид, Винтроп Рокфелер, бил републикански гувернер на Арканзас.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
