Обвинителството за организиран криминал отворило нова истражна постапка за лидерот на СДСМ, Зоран Заев, дознава „Прес 24“ од извори во истрагата.
Обвинителството утрово преку писмено соопштение потврди дека се води истрага против висок функционер во општина Струмица, но не откри детали.
„Осомничениот во 2010 година во исти ден повластувајќи исто правното лице од Струмица склучил четири посебни договори со вкупна вредност од 1.029.549,оо денари за асфалтирање на една иста улица во населено место во општина Струмица, наместо да спроведе една транспарентна постапка за јавна набавка со објава на оглас за доделување договор, истовремено распишал и спровел четири одвоени постапки за прибирање понуди без оглас и покрај законската забрана за делење на договор за јавна набавка на повеќе посебни договори со пониска вредност, со што ги изиграл одредбите од Законот за јавни набавки на штета на Буџетот општината“, стои во писменото соопштение на Јавното обвинителство.
Лидерот на СДСМ веќе има една кривична пријава за работењето како градоначалник во општина Струмица. Тој е осомничен за злоупотреба на положбата откако со камера беше снимен како бара мито од 200.000 евра за изградба на црква во општината.
Иако случајот е отворен пред подолг период судењето тапка во место, бидејќи Заев редовно наоѓа изговори за да не дојде на суд. Најчесто тоа се средби со амбасадори и конзули на амбасадите, а по некогаш се расипуваат автомобилите и на неговите адвокати.
Медиумите подолг период пишуваат за серија неправилности во работењето на општина Струмица. Според објавените информации, Заев поделил огромна сума пари преку тендери од општината на своите најблиски роднини и бизнис соработници.
Агенцијата „Балкан аналитик груп“, која се занимава со финансиското работење и која направила комплентен скенинг на трошењето на општината, нотира дека општина Струмица е едно од ретките места во Европа каде јавните финансии од општинската каса редовно се слеваат на сметките на помал број на фирми кои важат за блиски на градоначалникот, правејќи затворен круг на вртење на парите на граѓаните, односно од општинската каса на сметките на фирмите кои се блиски на градоначалникот.
Во анализата стои и заклучокот дека сензационално е што градоначалникот кој ја води општината е фатен на видео снимка како бара поткуп, како и фактот што уште нема правна разрешница на ова. Струмица се посочува како за пример за една од најкорумпираните општини во Источна Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
