Охрид на нозе- граѓаните масовно излегоа да дадат поддршка на иницијативата „За заедничка Македонија“ и да кажат дека нема да дозволат разнебитување на државата.
Црвената линија ја поминавте, црвено-жолтата, не!- порачаа охриѓани.
Учесниците ја изразија својата решеност да истраат во напорите за зачувување на унитарноста на државата, одбрана на Уставот на Македонија и суштината на вредностите на општеството.
– Она на што секогаш треба да се аплира, а што долго недостасува е чувство на заедништво. Како граѓанин, како човек кој живее овде и создавал барем во еден сегмент од општеството со силна волја и сериозна упорност, доаѓаме со заклучок дека на крајот на краиштата треба да се чуе убавиот збор, народот, вистинскиот народ еднаш засекогаш да каже – луѓе драги, чувство за заедништво ни недостасува, вистинска човекова врадност, затоа сме тука, изјави актерот Горан Стојаноски.
Драматургот и писател Зоран Пејкоски од своја страна истакна дека него како македонски творец му е обврска да застане во одбрана на македонскиот јазик.
– Дојде време да го одбраниме македонскиот јазик. Јас како писател морам да застанам зад македонскиот јазик, зад унтарноста на македонската држава. Треба да знаеме сите, барем од овде од Охрид каде започнала светиклиментовата традиција врз која ја базираме Македонската православна црква. Тука се темелите на цивилизацијата на Европа и затоа почувствував потреба како македонски писател да застанам зад Македонија, рече тој.
Според утврдената маршута, учесниците на протестот се собраа кај охридската Гимназија, по што се упатија низ улиците во централното градско подрачје, до Градскиот плоштад.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
