Габриел Хесус имаше извонреден старт на кариерата во Манчестер сити постигнувајќи три гола на првите две средби за „граѓаните“, но третиот меч се покажа кобен за бразилскиот голгетер. Имено, Хесус настрада на самиот почеток од синоќешниот дуел со Бурнемаут, а првичните информации кои доаѓаат од Англија говорат дека повредата на стапалото е многу сериозна.
Имено, англиските медиуми откриваат дека лекарските прегледи покажале скршеница на метатарсалната коска, по што сега го очекува подолга пауза од терените. „Граѓаните“ се уште не се јавуваат со официјално соопштение, паузата според првичните информации ќе изнесува најмалку два месеци, а голем број од медиумите објавија дека Хесус нема да може да се врати на терените до крајот на сезонава.
Во ваква ситуација, Гвардиола е принуден повторно да му даде шанса на Серхио Агуеро, кој се пресели на клупата на последните неколку средби.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
