Тренерот на Палермо бара повеќе од своите играчи: Несторовски не може сам

ilija nestorovski

Тренерот на Палермо, Диего Лопез ги повика своите играчи да прикажат повеќе и да му помогнат на првиот голгетер Илија Несторовски.

Македонецот му донесе на Палермо четири бода од дуелите со Наполи и Кротоне, но денеска не можеше да му помогне на својот тим да врзе уште еден добар резултат во серија. Аталанта беше пресилна и со 1-3 славеше на гостувањето во Сицилија.

– Несторовски не може сам, потребно е да му помогнеме, она што го правиме не е доволно. Треба да креираме повеќе шанси за него и останатите во нападот, рече тренерот на Палермо, Диего Лопез по крајот на средбата.

Тој исто така истакна дека на денешниот натпревар неговите играчи направиле премногу грешки и тоа било клучно за поразот.

– Загубивме многу топки на дел од теренот каде тоа е недозволиво. Аталанта е добар тим кој знае да казни, направивме премногу грешки, завршил Лопез.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.