Еден од нашите најдобри ракометари во последната деценија, Наумче Мојсоски вчера доби место во управниот одбор на РФМ со што се засилија шпекулациите дека стружанецот ќе ја заврши својата кариера и ќе се посвети на семејството и на ракометот од другата организациона страна.
Сепак Мојсовски демантираше дека нема намера да игра ракомет, туку зел период на одмор, бидејќи доби принова во семејството и наскоро од април оваа година пак ќе се врати на терените. Катарската Лахвија останува најреална опција, иако не е исклучена и можноста заради семејството да остане во нашата земја и потпише во македонскиот клуб.
Мојсовски го носеше дресот на Струга, Пелистер, Вардар и Металург, а покрај во Романија во странство играше и во Шпанија и во Катар. За македонската репрезентација последниот меч го одигра против Чешка во баражот за Светското првенство во Франција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
