Во Франција е уапсен поранешниот лидер на УЧК Рамуш Харадинај

Претседателот на Алијансата за иднина на Косово и поранешниот хашки обвинет Рамуш Харадинај е уапсен денеска во Франција по потерница од Србија, потврди неговото семејство за косовски медиуми. Апсењето на Харадинај го потврдил и портпаролот на Алијансата за иднина на Косово.

Косовски медиуми јавија дека Харадинај е уапсен врз основа на меѓународна потерница издадена од Србија и дека се наоѓа во притвор во Франција. Србија го обвинува Харадинај за убиства и тешки злосторства на Косово за време на 1998 и 1999 година. Хашкиот суд го ослободи Харадинај од обвиненијата за воени злосторства во 2012 година.

Рамуш Харадинај е поранешен лидер на Ослободителната војска на Косово (УЧК) и бивш косовски премиер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.