Македонските ракометари ги одработуваат последните два дена од првата фаза на подготовките за настап на Светското првенство во Франција. Базата во Маврово ќе ја напуштат утре, а десното крило во селекцијата Гоце Георгиевски е оптимист за она што ни предстои.
– Досега работиме максимално напорно во Маврово, знаеме што нè очекуваше. Десет дена имаме подготвителен период, каде што тешки се тренинзите, напорно се тренира, малку бевме нарушени со оној вирус кој го имавме дел од играчите. Мислам дека во наредниот период, како одминува времето ќе бидеме уште подобри. Верувам и мислам дека по оваа напорна работа треба да дојдат резултатите кои би ни го донеле тој пласман во вториот круг – изјави Георгиевски.
Селекцијата во втората фаза во Скопје ќе се комплетира со доаѓањето на „Германците“ Дејан Манасков и Филип Миркуловски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
