Кубанскиот претседател Раул Кастро најавил дека Куба ќе забрани подигнување споменици и именување на улици во чест на неговиот брат и симболот на револуцијата Фидел Кастро, заради неговата желба да се избегне култот на личноста.
Ова било соопштено вчеравечер по седницата за национална жалост заради смртта на Фидел, пред денешното полагање на неговат пепел во Сантијаго де Куба, пренесе АП.
– Револуционерниот водач сакаше да се отфрли секој облик на култот на личноста, а во тоа остана одлучен и во последните часови од животот инсистирајќи по неговата смрт неговото име да не се користи за именување на улици, институции, паркови и слично, ниту пак некогаш да му се подигнуваат бисти и споменици во негова чест, изјавил Раул Кастро во своето обраќање во Сантијаго.
Тој додал дека кубанскиот парламент на својата следна седница ќе гласа за законот со кој ќе биде испочитувана желбата на неговиот брат кој почина на 90 годишна возраст.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
