Руни го пропушта мечот со Шпанија, неизвесен е за настап и против Арсенал?!

Вејн Руни ќе го пропушти пријателскиот натпревар меѓу Англија и Шпанија откако капитенот на „гордиот албион“ се пожали на болка во коленото и му беше дозволено да се врати во неговиот клуб Манчестер јунајтед. Тој го пропушти вчерашниот утрински тренинг на репрезентацијата, а откако состојбата не му се подобри селекторот Саутгејт дозволи Руни да не ризикува посериозна повреда, туку да замине на прегледи во Манчестер.

Англиските медиуми информираат дека повредата не е премногу сериозна, но прашање е дали голгетерот ќе може да се рехабилитира навреме за да настапи на големото дерби со Арсенал што е на програмата в сабота.

Само за потсетување, Мурињо за тој меч нема да може да смета на суспендираниот Ибрахимовиќ, како и на Фелаини, па евентуалното отсуство на Руни дефинитивно дополнително ќе ги намали шансите за успех на јунајтед против „топчиите“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.