Селекторот на македонската ракометна репрезентација, Лино Червар го објави списокот на ракометари за натпреварите против Украина и Чешка во рамки на Квалификациите за ЕП Хрватска 2018.
Меѓу повиканите на првиот собир го нема голманот на Бенфика, Никола Митревски, а вистинско изненадување е повикот за Ристо Арнаудовски, 35-годишниот лев бек од австриски Ферлах. Во составот очекувано се најде младата „тајфа“ на Металург која предводена од Филип Талески прикажа одлични партии во ЛШ и СЕХА-лигата, а тука се уште и Мартин Поповски од Вардар јуниор, Иван Тасевски и Кирил Колев од Пелистер, Филип Чурлевски од Еурофарм…
Натпреварот против Украина ќе се одигра во „ВИП Арената“ при СЦ „Борис Трајковски“ во Скопје, на 2. ноември со почеток од 18:30 часот, додека на 5 ноември нашите ракометари гостуваат кај селекцијата на Чешка. Во нашата квалификациска група се наоѓа и репрезентацијата на Исланд.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
