Искусниот напаѓач на Монтреал Импакт, Дидие Дрогба предизвика скандал откако одби да биде на клупата за резервни играчи на вчерашниот натпревар против Торонто. Тренерот Мауро Биело сметал дека Дрогба не треба да биде стартер, а откако дознал дека е изоставен од стартниот тим, Дрогба воопшто не сакал да ја облече опремата, туку остана надвор од тимот.
– Дидие не требаше да го почне натпреварот. Разговарав со него и не сакаше да го прифати фактот дека ќе биде на клупа, објаснил Биело.
Минатата недела италијанските медиуми објавија дека Дрогба во јануарскиот преоден рок ќе замине во тимот на Наполи, каде треба да биде замена за повредениот полски репрезентативец Аркадиуш Милик, а по конфликтот со тренерот Биело се чини дека е чекор поблиску до враќање во Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
