Патник со чадор нападнал возач на автобус, по што тој загубил контрола врз возилото

Патник денеска во Истанбул со чадор нападнал возач на автобус, по што тој загубил контрола врз возилото и предизвикал верижен судир во кој учествувале и неколку други возила.

При инцидентот се повредени 11 лица, соопштија локалните власти. Автобусот се судрил со друг двокатен автобус и со три автомобили на улица во квартот Аџибадем, за време на утринскиот метеж, стои во соопштението. Прес-службата на гувернерот на Истанбул, пак, соопшти дека 11 луѓе, меѓу кои и нападнатиот возач на автобусот, се повредени при инцидентот, но се надвор од животна опасност.

Патникот штого нападнал возачот е приведен, но засега мотивите за физичкиот напад се непознати, се додава во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.