Со звуците на македонската група „Чалгија саунд систем“, во хотелски комплекс на Халкидики, во Уранополис, во присуство на македонски и странски туристи, беше одбележан 8 Септември, Денот на независноста на Република Македонија.
Настанот го организира Генералниот конзулат на Македонија во Солун, а лошото време и дождот, не ги спречи гостите и публиката неколку часа да се забавуваат со македонска музика. Туристи од Македонија, од Русија, Бугарија, Романија, уживаа во чалгиската музика на македонската група, објави „Канал 5“.
Настапот во Грција на „Чалгија саунд систем“ е по покана и иницијатива на нашиот конзул во Солун, Маја Апостолова, а концертот поминал во одлична, отпуштена и прекрасна атмосфера.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
