Управниот одбор на Фудбалската федерација на Македонија донесе одлука да ја награди младата репрезентација до 21 година со премија во висина до 2.000 евра индивидуално за досегашните залагања во тековните квалификации за пласман на ЕП 2017.
Од ФФМ соопштија дека премија за младите фудбалери ќе следува и за евентуално изборен пласман на Европското првенство.
– Управниот одбор на ФФМ дополнително ќе ја одреди висината на премијата за евентуален пласман на селекцијата до 21 година на Европскиот шампионат во Полска, информираат од „Куќата на фудбалот“.
Македонија во петокот извојува победа на гостувањето кај Шкотска иако имаше големи проблеми со повредени играчи, а половина час беше и со фудбалер помалку.
Утре на „Филип Втори“ избраниците на селекторот Благоја Милевски ја пречекуваат Северна Ирска
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
