Tрансферот на Пол Погба во Манчестер јунајтед би требало да биде официјализиран во текот на денешниот ден, а менаџерот на „црвените ѓаволи“, Жозе Мурињо, е среќен што ќе го има фудбалерот во својот состав, притоа додавајќи дека тој ќе мора да се бори за место во тимот.
– Мислам дека, конечно, трансферот ќе биде официјализиран денеска. Неверојатно е дека толку добар играч ќе игра за нас во наредниот период. Конечно ќе го имаме во своите редови, и тој е фудбалер со победнички менталитет. Сепак, тој ќе мора да работи напорно доколку сака да обезбеди место во тимот – истакна Мурињо.
Трансферот на Погба во Манчестер јунајтед ќе изнесува неверојатни 110 милиони фунти, што ќе го направи Французинот најскап играч на сите времиња.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
