Екипата на Палермо, победнички ги започна подготовките за новата сезона, откако со убедливи 10:0 славеа над АСКО Митлерн. Во оваа голеада се запишаа и нашите репрезентативци Александар Трајковски (два гола) и Илија Несторовски (еден гол). За Несторовски, ова беше прв погодок по доаѓањето од Интер Запрешиќ.
Предводникот на Палермо Давиде Балардини по натпреварот излезе со свое мислење за Трајковски и Несторовски.
– Александар поседува неверојатен квалитет во себе, и се надевам дека постојано ќе го докажува она што најдобро го знае. Додека Илија Несторовски е напаѓач кој добро знае што сака кога ќе се најде во шеснаесетникот и јас сум убеден сум во неговите квалитети – изјавил меѓу другото Балардини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
