Димитрев: Членството во ЕУ и понатаму е наша цел

Премиерот Емил Димитриев во ексклузивен разговор за ТВ Нова истакна дека средбата на Западен Балкан во Париз е во обостран интерес на Европската Унија и Балканот. Тој посочи дека нашa цел и понатаму останува членството во Унијата, како и унапредување на соработката во безбедносните и економските предизвици.

-Самиот факт што оваа средба претстaвува продолжение на берлинскиот процес ЕУ-Западен Балкан, ја потврдува сериозноста на настанот. Во наш интерес и понатаму останува нашето членство, вели Димитриев.

Тој изрази надеж дека по самитот ќе бидат договорени работи што се од големо значење за земјите од Западен Балкан каде се дебатира за мигрантскатра криза, но во фокусот на разговорите се предизвиците и последиците од тероризмот, како и економијата.

-Раговараме за миграциите и ќе продолжиме да правиме се што е потребно. Направивме доста и соодветно ја менаџиравме кризата – во најголем дел на наш трошок и без голема помош од европските партнери. Втората тема на која се зборува на самитот е темата за безбедност, бидејќи е многу важна, особено после терористичките напади во Париз, Брисел Истанбул. Неопходен е координиран пристап. Радикалните структури транзитираат низ нашите земји и доаѓаат во Европа, истакна Димитриев.

Премиерот на Република Македонија во врска со интеграциите посочи дека е добро тоа што Европската Унија ќе прокламира политика на отворени врати.

-Во контекст на Македонија важно е да се се каже дека отпочнувањето на процесот за членство во ЕУ ќе има резултати. Сите три теми се важни и за нас и за Европската Унија, заклучи Димитриев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.