Жозе Мурињо и официјално е нов менаџер на Манчестер јунајтед, потврди утрово најтрофејниот англиски клуб на својата веб-страница.
– Добре дојде Жозе – е пораката што стои крај првата фотографија на Португалецот со дресот на Јунајтед, клуб со кој трофејниот стратег потпиша договор за тригодишна соработка.
Воедно, од Манчестер јунајтед најавиле дека денеска нема да се одржи прес-конференција за промоција на Мурињо, туку истата ќе се случи на стартот од подготовките, на самиот почеток на јули.
– Во Манчестер јунајтед се чувствува мистичност и романса, нешто што ниту еден друг клуб не може да го достигне – кратко порача Мурињо по потпишувањето на договорот со својот нов клуб.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
