Документарецот за Вања Лазарова на филмски фестивал во Софија

Документарниот филм „Вања, со маки сум се родила“ посветен на доајенот на македонската народна песна Вања Лазарова е дел од Меѓународниот филмски фестивал „Идоли“, кој од 9 до 19 мај се одржува во Софија во рамки на Деновите на наследството – Софија 2016.

Филмот е надвор од официјалната програма на фестивалот, а е претставуван од Културно-инфомативниот центар на Република Македонија во Софија.

Документарецот за Вања Лазарова е снимен по сценарио и во режија на Синиша Ефтимов, а реализацијата е на продуцентската куќа „Медиа броадкастинг“ и Агенцијата за филм на Македонија. Премиерно беше прикажан минатата година во Кинотеката на Македонија.

Организаторот на „Идоли“ во програмата за фестивалот наведува дека филмот е посветен на легендарната Вања Лазарова, исполнителка на македонска народна музика.

– Во својата долга музичка кариера имала многубројни концерти низ светот. Таа е прва македонска пејачка која снимила записи за најголемите издавачки куќи Полиграм и Филипс, пишува во каталогот на Меѓународниот филмски фестивал „Идоли“ во Софија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.