Со новата колекција секој поединец може да си ја пронајде својата страст кон одредена работа и преку користење на комплетот да му се олесни секојдневието…
Вечерва, 4 мај, со почеток од 21:00 во Јавна соба Креативното дизајн студио „Преплет“ ќе ја претстави својата нова изложба на дизајн производи. Влезот за сите посетители е слободен.
Новата колекцијата содржи ексклузивни комплети составени од неколку производи меѓусебно поврзани на една иста тема “комплети “, комплет за љубители на патувања, комплет за љубители на книги, за љубители на кафе, на готвење и слично.
Перформансот во Јавна соба ќе трае од 21:00 до 22:00 часот и е помогнат од режисерката Билјана Радиноска, а во главнити улоги се појавуваат актерите Наташа Петровиќ, Јана Пауновска, Матеа Јанковска и Дарко Набаков. Посетителите со препознавање на својот карактер во еден од актерите ќе заклучат кој комплет е најсоодветен за нив. Преплет е концептуално креативно студио основано во 2013г. од страна на дизајнерите Викторија Ланговска и Магдалена Дилевска. Студиото креира производи кои содржат одредена порака испишана на македонски јазик и кирилица. По промоцијата новата колекција на Преплет ќе биде на продажба во концепталната продавница во Јавна соба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
