Во книжарницата „Матица ексклузив“ во центарот на Скопје вечерва, во 19 часот, ќе се одржи промоција на книгата „Душата и духовниот живот во антиката и раното средновековие“ од академик Витомир Митевски. Изданието е на „Матица македонска“. За најновото остварување на познатиот филозоф ќе говори проф. д-р Вера Георгиева.
Според академик Петар Хр. Илиевски, истражувањето спроведено во ова книга има посебна вредност затоа што научно ја истражува генезата на феноменот душа и односот спрема неа.
– Тоа тргнува од самите зачетоци во античката митологија, содржани во хомерската епика, потоа преминува на обликувањето на поимот душа во филозофијата и на крајот се задржува на неговата преобразба во раното христијанство – вели Илиевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
