Николовски: Нема да дозволиме некој да ја руши Македонија и тука сме да ја браниме

„Леле колку не има. Вака се брани Македонија! “ порача еден од најпознатите македонски спортисти, кајакарот Атанас Николовски.

Тој беше еден од говорниците на масовниот народен собир на Граѓанското движење за одбрана на Македонија.

-Велат дека на гостински терен е многу тешко. Не. Ние велиме дека на домашен терен е многу тешко. Зошто треба да го оправдаме тоа. Имав чест на ОИ во Пекинг во 2008-ма година да го носам македонското знаме каде 100.000 граѓани на Пекинг беа присутни таму и уште милијарди гледаа. Меѓутоа, да се настапи во Македонија чувството е прекрасно. Под онаа Порта поминаа нашите спортисти и уште многу ќе поминуваат. Нема да дозволиме оваа Порта хулиганите да ја сквернават и на неа да се изживуваат. Тоа е знак на нашата победа, нашата пот македонска. Сега во ова време кога спортистите имаат секакви можности да тренираат, нови сали, спортски терени, базени…нема да дозволиме некој да ја руши Република Македонија и тука сме да ја браниме, порача тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.