ВМРО-ДПМНЕ ќе се спротивстави на секаков обид насилно да се изиграат законите и процедурите (ВИДЕО)

Дамјан Манчевски од СДСМ вчера во дебата во емисијата „Топ тема“ на телевизија „Телма“ со Александар Николоски рече дека можеле да ја прекинат дебатата во Собранието уште првиот ден, на што Николоски беше дециден дека доколку СДСМ се обиде да ги заобиколи правилата и процедурите, ВМРО-ДПМНЕ ќе ги искористи сите демократски механизми за да не го направат тоа.
– Ако СДСМ се обиде да направи што било  надвор од правилата и процедурите пропишани со деловникот, законот за Собрание и Уставот и особено ако се обидат да го направат тоа на сила, ВМРО-ДПМНЕ ќе ги искористи сите демократски механизми да се спротивстави на тоа. И би ги советувал да не го прават тоа затоа што така ќе ја продолжат политичката криза во Република Македонија – рече Николоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.