Одлуката на претседателот Ѓорѓе Иванов за запирање на кривичните постапки први ја искористија лица од СДСМ и соработници на партискиот лидер Зоран Заев.
Звонко Костовски, инспектор од УБК, обвинет за шпионажа и неовластено снимање во случајот „Пуч“ повеќе не е во затвор.
Казната од три години му беше прекината веднаш откако доби помилување од претседателот Иванов.
Костовски за време на распитот го призна делото за кое се товареше и се спогоди со обвинителството.
Снимените разговори осудениот му ги давал на колегата од МВР кој пак му ги предавал на верушевски. Крајната дестинација биле странските тајни служби.
Костовски, кој заедно со Зоран Заев и Зоран Верушевски е меѓу осбвинетите за „Пуч“ завчера излезе на слобода бидејќи одлуката на Иванов стапи на сила веднаш по нејзиното објавување.
Освен тој, низа социјалдемократи од раководството на партијата се помилувани со оваа одлука на претседателот, меѓу кои и сегашниот лидер Зоран Заев и неговиот претходник Бранко Црвенковски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
