После „Големото уво“, аферата со прислушување со која Бранко Црвенковски се врати на власт, Зоран Верушевски со вчерашната одлука на претседателот на државата Ѓорге Иванов успеа по втор пат да избегне одговорност пред законот.
Со одлуката на Иванов се прекинува кривичниот прогон и против актуелниот претседател на СДСМ Зоран Заев, како и против поранешниот Црвенковски чиј предмет „Надеж“ исто така беше преземен од Специјалното јавно обвинителство.
Воедно, со вчерашната одлука на претседателот Иванов се запира кривичниот прогон и против обвинители од СЈО, поврзани со малтретирање во служба и со нудење поткуп заради обезбедување невистинити изјави. Од кривичен прогон се ослободува и Ѓорги Лазаревски, а Звонко Костовски кој призна дека незаконски следел комуникациите и истите му ги предал на Верушевски е амнестиран од издржување на затворска казна.
Неизвесно е дали одлуката важи и за Божидар Јанковски, сопругот на Радмила Шекеринска кој беше осомничен за затајување данок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
