Повредата што Горан Пандев ја заработи за време на дуелот со Фросиноне воопшто не е наивна, покажаа деталните лекарски прегледи извршени врз македонскиот репрезентативец во Џенова. Пандев се пожали на болка во мускулот во првото полувреме и самиот побара да биде заменет по само 20 минути игра, по што прегледите ги потврдија стравувањата дека паузата на Македонецот од терените нема да биде кратка.
– Деталните прегледи врз Горан Пандев покажаа кинење од втор степен на мускулот на левата нога – се вели во соопштението на Џенова.
Како што јавуваат италијанските медиуми, вообичаената пауза за овој вид на повреди е меѓу 30 и 40 дена, а во таборот на Џенова се надеваат дека Пандев ќе биде оспособен за камбек за градското дерби против Сампдорија, кое е на програмата на 8 мај.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
