Биелса го посакува Пандев во Лидс!

Неколку англиски медиуми блиски до фудбалскиот клуб Лидс Јунајтед, најавуваат трансфер бомба оваа зима, односно можен премин на македонскиот репрезентативен капитен, Горан Пандев, во редовите на тимот од Јоркшир.

Лидс, предводен од легендарниот стратег Марсело Биелса, се соочува со сериозни проблеми во офанзивата. Некои често се повредуваат, додека останатите не ги задоволуваат неговиот вкусови, па англиските медиуми откриваат дека за оваа зима имал желба тимот да го засили со нашиот Горан Пандев.

Според истите, Биелса е голем вљубеник на играта на европскиот шампион со Интер во 2010 година и во неговите квалитети гледа како идеално решение за амбициите и целите на Лидс. Исто така, неговиот план е да ги спои Алиоски и Пандев и во неговиот напад, откако во последниот период нашите репрезентативци одлично соработуваат во националниот дрес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.