Јанева им се одмаздува на тие што ги открија Верушевски и неговиот план за крв по улиците

Верушевски е на слобода, а луѓето што го открија неговиот криминал кривично се гонат, а еден е и во притвор.

Откако ја доби функцијата, Јанева веднаш ја исполни својата цел и нејзиното прво сработено нешто е барањето Верушевски да излезе на слобода. Секако, притворот на човекот што се обвинува за тешки дела беше укинат, па соработникот на Зоран Заев е сега на слобода. Укинат беше и притворот на Ѓорги Лазаревски.

Откако Верушевски излезе од притвор, неговата сопруга за ова јавно му се заблагодари на лидерот на СДСМ.

Дека СДСМ го најавува тоа што СЈО го одработува веќе е јасно за сите. Така, Зоран Заев на средба со граѓани во Капиштец најави дека СЈО ќе почне акција и ќе испорача наредби за истраги. Како што тој диригираше, така Јанева реагираше. Со експресна брзина таа ја најави првата акција.

Заев најави и притвори, а тоа и се случи.

Последниот случај на СЈО е конструиран и целосно неоснован. Токму соработниците на Верушевски од УБК, поточно Звонко Костовски, осудениот за „Пуч“, уште во 2013 година дал мислење дека опремата е неупотреблива и некомпитабилна со новата технологија на мобилните оператори. Уште истата година во согласност со книговодната евиденција, таа има вредност од 1 денар. Во 2014 година таа опрема е целосно надвор од функција и е сместена во магацин по вадење од системот.

Минатата година, пак, формирана е комисија за да процени дали опремата е функционална и употреблива. Донесена е одлука дека опремата ниту се употребува, ниту ќе се употреби.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.