Најдобриот светски тенисер Новак Ѓоковиќ на рутински начин обезбеди пласман во полуфиналето од Мастерсот во Мајами откако го совлада Томаш Бердих со 2-0 (6-3, 6-3).
Мечот траеше нешто повече од 100 минути, но Ѓоковиќ во текот на целиот меч ја имаше контролата на играта и во ниту еден момент не му дозволи на Чехот да му ги наруши сметките.
Иако на крајот оствари пет винери помалку од противникот (10-15), Ѓоковиќ направи само девет неизнудени грешки наспроти дури 45 на Бердих. Тоа беше десетта победа по ред за Ѓоковиќ во меѓусебните дуели и сега тој има биланс 23-2 против чешкиот тенисер.
Во полуфиналето Србинот ќе игра против Давид Гофин кој во првиот четврфинален меч со 2-1 (3-6, 6-2, 6-1) во сетови успеа да слави победа над Жил Симон.
Во женска конкуренција, пласман во полуфиналето обезбедија втпрата носителка Ангелик Кербер и Викторија Азаренка кои ја сочинуваат и првата полуфинална двојка. Кербер немаше проблеми со Кис и ја совлада со 2-0 (6-3, 6-2), а Азаренка загуби еден гем повеќе од Конта (6-4, 6-2).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
