Македонскиот ракометен шампион Вардар го победи во гости Мешков Брест со 32-30 на последниот натпревар од лигашкиот дел во СЕХА лигата.
По пласманот во четвртфиналето во Лигата на шампиони, Вардар на ова гостување во Белорусија настапи со девет играчи. „Црвено-црните“ со оваа победа го потенцираа второто место на табелата, веднаш зад шампионот Веспрем, кој е противник на македонскиот шампион и во 1/4-финалето во Лигата на шампионите.
Лука Циндриќ со 9 и Дејан Манасков со 8 голови беа најефикасни во сотавот на Вардар.
Во петок и недела, во Вараждин, ќе се одигра завршниот турнир на СЕХА лигата. Во првото полуфинале од 18 часот Мешков Брест игра против Веспрем, а од 20:30 часот Вардар ќе се бори за финалето против ППД Загреб.
Натпреварот за третото место и финалето ќе се одиграат во недела.
Конечна табела:
Веспрем 50 бодови
Вардар 44
ППД Загреб 42
Мешков Брест 36
Татран Прешов 28
Нексе 25
Војводина 15
Борац 11
Спартак 10
Макс Струмица 2
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
