Во Друштвото на писателите на Македонија, утре (вторник, 29 март) во 12 часот ќе биде промовиран четиритомен избор од творештвото на Иван Чаповски. За литературното дело на Чаповски ќе зборува Гордана Михаилова Бошнакоска, а поетски и прозни фрагменти ќе чита Александра Велинова.
Изборот од творештвото на Чаповски неодамна се појави во издание на „Матица македонска“, со предговор на Раде Силјан. Првиот том е посветен на поезијата, а наредните три тома ги донесуваат романите „Змија“, „Магла“ и „Крв на еукалиптусот“.
Иван Чаповески е еден од доајените на ДПМ. Автор е на богат и разновиден поетски, раскажувачки и романескнен опус. Добитник е на високи литературни награди, меѓу кои „Рациново признание“, „Стале Попов“ и „Книжевно жезло“. Со промоцијата на избраните дела на Чаповски, ДПМ одбележува 80 години од раѓањето на писателот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
