Свадбата на годината ќе се одржи на 5 јуни

Откако ќе заврши со обврските на Ролан Гарос, Ана Ивановиќ доаѓа во Србија заедно со вереникот Бастијан Швајнштајгер за да ги заврши последните подготовки пред венчавката.

Српските медиуми јавуваат дека при посетата на Белград изнајмиле планер за венчавката кој со нивна помош ќе организира свадба за 300 гости.

-Ана и Швајни планирале да се венчаат уште во декември минатата година, но поради обврски не можеа да го ускладат датумот.

– Свадбата е планирана во Србија и во Германија, а првата веселба ќе биде во Белград во хотелот „Хајат“ на 5 јуни кога се поканети 300 гости. Нив ќе ги забавува групата „Тропико бенд“ бидејќи невестата нив ги обожува. Во Белград ќе допатуваат и родителите на Бастијан. По венчавката двојката ќе остане неколку дена во Белград, а потоа Ана заминува на Вимблдон, велат извори блиски до невестата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.