Вечната дилема дали истовремено може брзо и здраво да ослабнете доби одговор – можете во краток рок да ги постигнете посакуваните резултати, а притоа да не го загрозите здравјето ако се придржувате до овие совети.
На Интернет постојат илјадници диети и варијации, но на секоја ѝ недостасува нешто. Вистинската диета не смее да ги изостава протеините, јаглени хидратите или мастите. Потребно е да содржат дијапазон на намирници. Од житарки, зеленчук, овошје, јајца, месо, млеко и млечни производи. Храната треба да биде функционална, а количините треба да се одредат според потребите на секој поединец затоа што сите имаме различна потреба за енергија и нутритиенти.
Функционална храна е онаа храна што позитивно влијае на нашето здравје и поединечни телесни функции. Тука спаѓаат каротен, лутеин, ликопен, диетални влакна, омега 3 масни киселини, витамини и антиоксиданси, фитоестогени, пробиотици, калциум…
Важно е освен во изборот на намирници да внимавате и на бројот на калории што ги внесувате.
Ваквата диета треба да ги почитува следниве препораки:
Појадок: 2 лажици овесни или пченкарни снегулки+чаша јогурт+мала чаша сок од портокал
Ужина: една до две средни овошја, на пример јаболко, портокал, праска (пред ручекот и пред вечерата)
Ручек: Чинија супа+пилешко филе на скара+зелена салата со млад кромид и ротквици зачинета со маслиново масло+1 парче интегрален леб со семки
Вечера: Омлет од белки со шампињони+1 парче интегрален леб со семки+чаша јогурт
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
