Аргентинскиот тенисер Хуан Мартин Дел Потро, кој по 11 месеци се врати на терените од тешката повреда на зглобот на раката, ќе добие вајлд – карта за учество на турнирот во Индијан Велс. Организаторите одлучија да му дадат посебна покана на Дел Потро, кој сега е слаборангиран на АТП – листата, со оглед дека не настапуваше подолг период, бидејќи тој е и финалист на овој турнир од 2013 година.
Поранешниот тениски рекет број 4, Дел Потро, се надева дека повредата е минато и дека ќе влезе во посакуваниот ритам во најбрз можен рок.
– Неверојатно сум среќен што повторно играм тенис. Уживам во секој меч, во секој момент и се надевам дека така ќе остане и понатаму, а повредите конечно ќе ме заобиколат – изјави Хуан Мартин Дел Потро.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
