Легендата на бразилскиот фудбал Зико смета дека напаѓачот Александре Пато направил добар потег со трансферот во Челси, додавајќи дека тој треба да ја искористи оваа златна шанса, и да докаже дека може да игра фудбал на највисоко ниво.
– Ова е фантастична можност за него, да покаже дека се уште може да игра европски фудбал на највисоко ниво. Повредите во Милан го уништија, но, Пато е скапоцен камен на бразилскиот фудбал. Челси е идеален тим за него, и со него може да направи големи успеси – изјави Зико.
Пато дојде во Челси во последните денови на зимскиот преоден рок, но, засега се уште нема настапено на ниту еден натпревар, а претходно ги бранеше боите на Сао Паоло.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
