Вечерва, 18 февруари во кино „Фросина“ во Младинскиот културен центар (МКЦ) ќе се одржи промоција на поетската книга „Црно на бело“ од Лидија Димковска во издание на „Или-или“. Промотори на книгата ќе бидат Елизабета Шелева, Оливера Ќорвезироска и Гоце Смилевски.
„Црно на бело“ е досега веројатно најзрелото книжевно остварување на Лидија Димковска; длабока и по својот дострел – универзална, а концепциски – заокружена и автентична книга достојна на 21 век, која извонредно му прилега и му парира со својот неслучајно апокалиптичен дух и темно обоен сензибилитет!“ вели промотерката Елизабета Шелева.
Summa summarum
Девет месеци му се потребни на зародокот
за да се развие во човечко битие.
И уште детство, младост и старост
за да остане.
А дали од него ќе излезе човек –
никоj не знае.
Цел живот може да му биде малку
за да стане личност.
А само миг му е потребен на телото
за да се претвори во леш.
Живееш за себе, а умираш за другите
за да не можат тие да живеат без тебе.
Злото и кога се проштава со добро,
се памети како зло.
А доброто никогаш не се памети по добро
претворено во зло.
Лицето можеш да го измиеш и стопати,
но образот никогаш.
Миејќи го лицето си ги водениш ракавите,
а триејќи го образот – свеста.
За лицето ти се потребни сапун и вода,
за образот – совест на крвта.
И сега
кој ќе ликува повеќе:
Оној Никој и Ништо што станал Нешто,
или Нештото во кое се претворил
тој Никој и Ништо?
за да се развие во човечко битие.
И уште детство, младост и старост
за да остане.
А дали од него ќе излезе човек –
никоj не знае.
Цел живот може да му биде малку
за да стане личност.
А само миг му е потребен на телото
за да се претвори во леш.
Живееш за себе, а умираш за другите
за да не можат тие да живеат без тебе.
Злото и кога се проштава со добро,
се памети како зло.
А доброто никогаш не се памети по добро
претворено во зло.
Лицето можеш да го измиеш и стопати,
но образот никогаш.
Миејќи го лицето си ги водениш ракавите,
а триејќи го образот – свеста.
За лицето ти се потребни сапун и вода,
за образот – совест на крвта.
И сега
кој ќе ликува повеќе:
Оној Никој и Ништо што станал Нешто,
или Нештото во кое се претворил
тој Никој и Ништо?
„Во најновата стихозбирка на Димковска, со наслов „Црно на бело“, стануваме сведоци на еден поетски свет, кој нè соочува со реалноста, преку раздробувањето на баналноста на секојдневието и тргнувањето во потрага по смислата на постоењето. Димковска ја изнесува преку својата поезија суштината и кога преку стиховите говори за јас и за најличното, и кога говори за Другиот и за најуниверзалното“, вели писателот Гоце Смилевски.
„Ова не е најдобриот поетски глас на Лидија Димковска, ова е најдобриот поетски глас на современата македонска поезија. „Црно на бело“ е и аманет, и тестамент, и амајлија,.. а најмногу од сѐ е, сепак, и ѓердан и нож за вратот на виновниците и љубовниците“ смета Оливера Ќорвезироска која вечер ќе ја промовира поетската книга на Димковска.
Димковска е родена 1971 година во Скопје. Дипломирала Општа и компаративна книжевност на Филолошкиот факултет во Скопје, а во Букурешт завршила постдипломски студии по Романска книжевност. Живее и работи во Љубљана.
Досега ги објавила збирките поезија: „Рожби од Исток“ (со Борис Чавкоски) 1992; „Огнот на буквите“ 1994; „Изгризани нокти“ 1998; „Нобел против Нобел“ 2001; „Идеална тежина“, избрана поезија, едиција „130 тома македонска книжевност“ 2008; „pH неутрална за животот и смртта“ 2009 како и романите: „Скриена камера“ 2004; „Резервен живот“ 2012 (Награда за книжевност на Европската унија). Нејзините дела се публикувани на повеќе светски јазици.
Досега ги објавила збирките поезија: „Рожби од Исток“ (со Борис Чавкоски) 1992; „Огнот на буквите“ 1994; „Изгризани нокти“ 1998; „Нобел против Нобел“ 2001; „Идеална тежина“, избрана поезија, едиција „130 тома македонска книжевност“ 2008; „pH неутрална за животот и смртта“ 2009 како и романите: „Скриена камера“ 2004; „Резервен живот“ 2012 (Награда за книжевност на Европската унија). Нејзините дела се публикувани на повеќе светски јазици.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
