Студентите од Кина кои се дел од програмата за размена на студенти, веќе два месеца го учат македонскиот јазик на Филолошкиот факултети на универзитетот „Гоце Делчев“-Штип.
Студентите од Факултетот за меѓународни студии и Институтот за јазици од универзитетот Хебие од Република Кина, вчера, 8 февруари, во штипската библиотека организираа Мултимедијален перфоманс во чест на кинеската Нова година.
Пеејќи традиционални кинески песни и преку презентација, студентите од Кина ја промовираа својата култура, со што изразија и благодарност за гостпримливоста на македонскиот народ.
– Јас сум импресионирана од македонскиот народ и морам да кажам дека Македонија е навистина убава земја, како што е и градот Штип – рече Лиу Јанг студент од универзитетот Хебие, Р.Кина.
Деканот на Филиолошкиот факултет при УГД-Штип, Драгана Кузмановска, посочи дека студентите од Кина заедно со своите колеги од штипскиот универзитет денеска заеднички ја прославија месечевата кинеска Нова година.
– Студентите од Кина престојуваат на нашиот факултет веќе неколку месеци со цел да го изучат македонскиот јазик. Во текот на овој семестар тие го совладаа македонскиот јазик на ниво А1, а се надевам дека во вториот семестар ќе го совладаат нашиот јазик на ниво А2 – рече Кузмановска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
