Враќањето на контролата на границите во Шенген зоната би ја чинело Франција две милијарди евра на краток рок и над 10 милијарди евра годишно на подолгорочен рок, се наведува студијата на „Франс Стратежи“.
Како што јави дописникот на МИА на Париз, според овој документ, објавен денеска од експерти кои работат за францускиот премиер, напуштањето на Шенген зоната на карткорочен план ќе има последици за прекуграничните работници, туризмот и транспортот на стоки.
Намалувањето на приходите од туризмот се проценуваат на 500 милиони до една милијарда евра годишно. Притоа „Франс Стратежи“ проценува дека враќањето на контролите на границите можат да ги намалат можностите за прекугранична работа.
Според проценките бројот на прекуграничните работници би се намалил за 5,000 до 10 000, со загуба за економијата од 150 милиони до 300 милиони евра, бројки кои не ги земаат предвид мерките за справување со новиот прилив на невработени. За транспортот на стоки, загубата е 62 милиони евра годишмо за увоз и уште толку за извоз, во случај на намалена контрола на камионите на границите и двојно повеќе во случај на систематска контрола.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
