Готвачот Бенои Виолер, чијшто ресторан во Швајцарија во декември беше прогласен за најдобар на светот, најден е мртов во својата куќа, пренесуваат светските медиуми.
Тој водеше ресторан во близина на Лозана, кој имаше три ѕвезди на „Мишелин“, а, според информациите на полицијата, 44-годишниот Виолер, најверојатно, си пукал во главата.
Виолер, денеска требало да го промовира новиот водич на „Мишелин“.
Готвачот почина шест месеци по смртта на неговиот ментор и претходник во ресторанот, Филип Роша, кој починал од компликации по пад од велосипед.
Виолер работел во ресторанот „Ресторан де хотел Де Вил“, од 1996 година, за во 2012 година да го откупи заедно со сопругата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
